3. Tariflar va daromadni chiqarish

3.1 Pul yechib olish

Sotuvchi shaxsiy kabinetining "Mablagʻlar" bo‘limida 5 ta summa aks ettirilgan:

• To‘lanadi — ko‘rsatilgan kunda oladigan summangiz
• Umumiy balans — "To‘lanadigan" summa + keyinroq to‘lanadigan tovarlar qiymati
• Yechib olish mumkin — shoshilinch yechib olish mumkin bo‘lgan summa. Batafsil — 3.1.2 bo‘limida
• Oylik qaytarishlar — bir oy ichida qaytarilgan tovarlarning umumiy qiymati
• Oylik xizmatlar uchun to‘lov — oy uchun to‘langan xizmatlarning umumiy qiymati.

Ko‘rsatilgan sanada pul jadvalingizga muvofiq avtomatik ravishda to‘lanadi (3.1.1-bo‘limga qarang), qo‘lda hech narsa rasmiylashtirish shart emas.

Oferta shartnomasiga ko‘ra, Uzum pulni kechroq muddatda — jadvalda ko‘rsatilgan sanadan keyin 14 ish kunigacha to‘lash huquqiga ega.

Hisob raqam

Shaxsiy ma’lumotlar bo‘limi → Hisob raqam pul yechib olish uchun 5 ta hisob qo‘shishingiz mumkin. To‘lov jadvalini sozlash orqali keraklisini tanlashingiz mumkin.

Barcha hisoblar Shaxsiy kabinetda ro‘yxatdan o‘tgan sotuvchiga tegishli bo‘lishi kerak. Qarindoshlar, xodimlar, ish bajaruvchi va boshqalarning hisoblaridan foydalanish mumkin emas. Agar siz boshqa shaxsning hisobini ko‘rsatsangiz, Uzum ma’lumotlar tuzatilgunga qadar to‘lovlarni to‘xtatib turishi mumkin.

3.1.1 Mablag‘larni to‘lash jadvali

Mablag‘larni to‘lash jadvali — Bu Uzum sizga sotilgan tovarlar uchun pul to‘laydigan davriylikdir. Qaysi tovarlar uchun pul olishingiz va xizmat haqi miqdori jadvalga bog‘liq.

Grafik bo‘yicha pul 10 kundan ortiq vaqt oldin olingan tovarlar uchun to‘lanadi. O‘zbekiston Respublikasi qonuniga ko‘ra, xaridor tovarni qaytarish uchun 10 kun muddatga ega.

To‘lov jadvali variantlari

Agar to‘lov sanasi dam olish yoki bayram kuniga to‘g‘ri kelsa, pul yaqin ish kunida keladi

Davriylik	Qabul qilingan tovarlar uchun	Chiqarish xizmati uchun to‘lov
Har ish kuni	avvalgi kunlarga	1.5%
Har hafta
14 sanada	27-dan 3-gacha, shu jumladan	1%
21 sanada	4-dan 10-gacha, shu jumladan	1%
28 sanada	11-dan 17-gacha, shu jumladan	1%
7 sanada	18-dan 26-gacha, shu jumladan	1%
2 haftada bir marta
21 sanada	27-dan 10-gacha, shu jumladan	0%
7 sanada	11-dan 26-gacha, shu jumladan	0%
Oyiga 1 marta
7 sanada	27-dan 26-gacha, shu jumladan	0%

Standart bo‘yicha barcha yangi sotuvchilarga pul 2 haftada bir marta to‘lanadi. Ammo siz boshqa davriylikni tanlashingiz mumkin: har bir ish kuni, har hafta yoki har oy. To‘lovlar jadvalini oyiga bir marta — 7-sanagacha o‘zgartirish mumkin. Yangi jadval o‘sha oyning 8-sanasidan kuchga kiradi.

Xizmat haqi summadan yechishga qarab hisoblanadi. Misol uchun, agar siz oyiga 4 marta to‘lovlarni tanlagan bo‘lsangiz va to‘lanadigan summa 100 000 so‘m bo‘lsa, yechib olish uchun xizmat haqi 1% — 1 000 so‘m bo‘ladi va hisob-kitob raqamiga 99 000 so‘m kelib tushadi.

2 haftada bir marta grafik bo‘yicha to‘lovlarga misol

Aytaylik, bugun 10-aprel va sotuvchiga "2 haftada bir marta" jadvali ulangan.

Sotuvchi quyidagi to‘lovlarni oladi:

• 21-aprel — 27-martdan 11-aprelgacha bo‘lgan tovarlar uchun
• 7-may — 12-apreldan 26-aprelgacha bo‘lgan tovarlar uchun

7-maygacha sotuvchi 8-maydan kuchga kiradigan yangi jadvalga o‘tish uchun ariza berishi mumkin.

Har bir ish kuni bo‘yicha to'lovlarga misol

Aytaylik, sotuvchi har bir ish kuni uchun to‘lov jadvalini tanlaydi. 8-maydan boshlab oldingi kunlarda olingan tovarlar uchun har kuni pul kelib tushadi:

• 8 may – 27-aprelda olingan tovarlar uchun
• 9 may (shanba) – dam olish kuni, to‘lov dushanbaga ko‘chiriladi
• 10 may (yakshanba) – dam olish kuni, to‘lov dushanbaga ko‘chiriladi
• 11 may –28-apreldan 30-aprelgacha olingan tovarlar uchun
• 12 may – 1-mayda olingan tovarlar uchun

Har oyning 7-sanasigacha Uzum o‘tgan oyning 27-kunidan 26-kunigacha bo‘lgan davrda qabul qilingan barcha tovarlar uchun pul to‘laydi. Yuqoridagi misolda 7-iyungacha Uzum 27-apreldan 26-maygacha olingan barcha tovarlar uchun pulni to‘laydi. Oylardagi kunlar soni turlicha bo‘lganda (fevralda 30, 31 yoki 28−29), ba’zi kunlarda to‘lov bir necha kun oldin kelishi mumkin, boshqa kunlarda esa, agar pul avvalgi jadval bo‘yicha to‘langan bo‘lsa, umuman bo‘lmasligi mumkin.

3.1.2 Shoshilinch pul mablag‘larini yechib olish

Shoshilinch yechib olish — bu jadvalingizda ko‘rsatilgan sanadan oldin pul olish imkonini beruvchi qo‘shimcha xizmatdir. Shoshilinch yechib olish xizmati uchun to‘lov — 2,5% ni tashkil etadi.

Hozirgi vaqtda barcha pullarni shoshilinch yechib olish faqat quyidagi shartlarni bajaradigan sotuvchilarga mavjud:

• Uzum oldida qarzdorligi yo‘q
• Oxirgi 60 kun ichida qaytarish ulushi aksariyat Uzum sotuvchilaridan pastroq
• Uzum ichki mezonlariga muvofiq barqaror savdo

Agar sotuvchi ushbu shartlarni bajarmasa, u oyiga 1 yoki 2 marta to‘lov jadvalini tanlab, 10 kundan ortiq vaqt oldin olingan tovarlar uchun pulni shoshilinch yechib olishi mumkin.

Pulni belgilangan muddatdan oldin olish uchun ariza bering: shaxsiy kabinetda «Oldinroq chiqarish» tugmasini bosing, kerakli summani kiriting va mablag‘ tushadigan hisobni tanlang.

Bir kunda shoshilinch yechib olish uchun faqat bitta ariza berish mumkin

• agar soat 13:00 gacha rasmiylashtirsangiz, pulni o‘sha kuniyoq o‘tkazamiz.
• 13:00 dan keyin — keyingi ish kunga o‘tkazamiz.

Haqiqiy kirim vaqti qabul qiluvchi bankka bog‘liq.

Uzum o‘z xohishiga ko‘ra muddatli yechib olish xizmatini ko‘rsatish mezonlarini o‘zgartirish, uni vaqtincha cheklash yoki to‘xtatib turish huquqiga ega.

3.1.3 Yechishlar ro‘yxati

Yakunlar ro‘yxati va ularning holatlarini ko‘rish uchun shaxsiy kabinetda Mablagʻlar → To‘lovlar tarixi bandini tanlang.

Status	Ma’nosi
Ishlovda	To‘lov bankka yuborishga tayyor
Bajarildi	To‘lov bankka yuborilgan
Bajarilmadi	Bank to‘lovni amalga oshirmagan

3.2 Marketpleys tariflari

Komissiya va logistika yig‘imi faqat sotilgan tovarlar tushumidan ushlab qolinadi va quyidagilarni o‘z ichiga oladi:

• buyurtmani yig‘ish va jo‘natishga tayyorlash;
• ekvayring va kassa хizmat ko’rsatish bo’yicha хarajatlar;
• хaridоr shahrigacha yetkazib berish;
• buyurtmalarni BBP da berish yoki kurerlik yetkazib berish;
• xaridor tomonidan tovar qaytarilgan taqdirda buyurtmaga xizmat ko‘rsatish (omborga qaytarish va qayta sotuvga chiqarish).

Komissiya miqdori tovarning narxi va toifasiga bog'liq va avtomatik ravishda hisoblanadi. Logistika yig‘imi tovarning o‘lchamlari va narxiga bog‘liq. Quyidagi havola orqali yangi komissiyalar va logistika yig‘imi miqdori bilan tanishib, hisob-kitobni amalga oshirishingiz mumkin: Komissiya mukofoti (opens new window).

Kalkulyatordan foydalanish uchun yuqori chap burchakdagi “Файл” → “Создать копию” → “Скопировать” tugmalarini bosing. Shundan so‘ng nusxalangan jadvalni o‘zingiz xohlagancha tahrirlashingiz mumkin. Kalkulyatorga o‘zgartirishlar kiritishdan oldin, iltimos, ustunlarning yuqori qismidagi har bir katakchada eslatma borligiga e’tibor bering.

Logistika yig‘imi

Logistika yig‘imi tariflari

Logistika yig‘imlari sotilgan tovarlar tushumidan, tovar yetkazib berilganda, sotilgan har bir birlikdan undiriladi.

06.10.2025 dan boshlab logistika yig‘imi

KGT	O'GT	YGT, sim-kartalar
5 000 so‘m donasiga	8 000 so‘m donasiga	20 000 so‘m donasiga

Logistika yig‘imini hisoblash misoli

Faraz qilaylik, sotuvchi har biri 75 ming so‘mlik KGT toifasiga kiruvchi bloknotlar bilan savdo qilmoqda. Sotuvchidan ikki xaridor — biri Qarshidan, ikkinchisi Jizzaxdan — bittadan bloknot sotib oldi. Xaridorlarga yetkazib berish vaqtida, tovar yetkazilgan shahardan qat’iy nazar, har bir bloknot uchun sotuvchidan 5000 so‘m miqdorida logistika yig‘imi undiriladi.

💰 Tushum: 75 000 so‘m × 2 dona = 150 000 so‘m

📦 Logistika yig‘imi: 5 000 so‘m × 2 dona = 10 000 so‘m

* Ushbu hisob-kitoblarda savdo komissiyasi hisobga olinmaydi.

❗Agar mahsulot xaridor tomonidan qaytarilgan bo‘lsa, logistika yig‘imi qaytariladi.

Tavsiyalar

Ko‘pincha ko‘p miqdorda sotib olinadigan tovarlar (masalan, kanselyariya, sarflanadigan materiallar, kosmetika va boshqalar) bilan savdo qilganda logistika xarajatlari oshishi mumkin. Buning sababi shundaki, yig‘im har bir tovar birligiga alohida hisoblanadi, hatto ular birgalikda sotib olingan bo‘lsa ham.

💡Mumkin bo‘lgan xarajatlarni minimallashtirish uchun Uzum Market bunday pozitsiyalarni to‘plamlarga (komplektlarga) birlashtirishni hamda bir nechta donani bitta tovar pozitsiyasi sifatida sotishni tavsiya qiladi — bu sizga logistika xarajatlarini kamaytirishga yordam beradi.

Misol

Aytaylik, sotuvchi KGT guruhidagi bir dona daftarning narxi 15 000 so‘m.
U quyidagilarni bajara oladi:

• ❌ Ularni donalab sotish
• ✅ Yoki 5 ta qilib to‘plamga birlashtirish

❌ 1-vaziyat: Donalab sotish

Sotuvchi 5 ta daftarni donalab sotdi.

💰 Tushum: 15 000 so‘m × 5 = 75 000 so‘m

📦 Logistika yig‘imi: 5 000 so‘m × 5 = 25 000 so‘m*

✅ 2-vaziyat: To‘plamli savdo

Sotuvchi 5 ta daftarli bitta to‘plamni sotdi.

💰 Tushum: 15 000 so‘m × 5 = 75 000 so‘m (xuddi shunday)

📦 Logistika yig‘imi: 5 000 so‘m × 1 = 5 000 so‘m* (faqat 1 dona – to‘plam uchun)

* Ushbu hisob-kitoblarda savdo komissiyasi hisobga olinmaydi

❗Muhim

• Uzum Market tovarlarni to‘plamlarga yig‘ish xizmatini taqdim etmaydi — bu sotuvchining zimmasidagi mas’uliyat hisoblanadi. Agar siz tovarlarni to‘plamlar (komplektlar) shaklida sotishni rejalashtirayotgan bo‘lsangiz, bunday to‘plamlarni omborga jo‘natishdan oldin oldindan tayyorlab, qadoqlashingiz kerak.

• Bundan tashqari, tovarlarni to‘plamlar (komplektlar) shaklida sotish uchun tizimda alohida tovar kartochkasini yaratish zarur. Mavjud, alohida mahsulotlarni sotish uchun mo‘ljallangan kartochkalardan to‘plamlar uchun foydalanish mumkin emas.

• To‘plamga faqat bir xil mahsulotlar, ya'ni bitta savdo toifasining (6-daraja)** doirasida birlashtirilishi mumkin. Bu degani, to‘plam tarkibida o‘xshash pozitsiyalar bo‘lishi lozim, masalan: bir xil formatdagi daftarlar, tibbiy niqoblar qadoqlari yoki bir xil turdagi batareyalar va boshqalar birlashtirilishi. Bir xil mahsulotlardan to‘plamlarni yig‘ish bo‘yicha batafsil ko‘rsatmalarni quyidagi bo‘limda topasiz: .6.1 Mahsulotni tekshirish va qadoqlash. (opens new window)

• O‘lcham guruhi to‘plamdagi har bir tovar birligi bo‘yicha emas, balki to‘plam bo‘yicha aniqlanadi.

• Har bir kartochka to‘plam tarkibini aniq aks ettirishi zarur — bu nafaqat logistikani to‘g‘ri hisoblash uchun, balki xaridor uchun ham muhimdir.

• Ba’zan logistika yig‘imi ikki marta olingandek tuyulishi mumkin. Aslida esa, har bir tovar birligi uchun yig‘im faqat bir marta hisobdan chiqariladi.

  Logistika yig‘imi har bir tovar birligi uchun faqat bir marta undiriladi.

  Axborotni aks ettirishning turli usullari tufayli tushunmovchiliklar yuzaga kelishi mumkin:

  – "Mablag’lar → Operatsiyalar → Xizmatlarga to‘lov" bo‘limida yig‘im alohida xizmat sifatida ko‘rsatiladi (quyidagi skrinshotga qarang)

  – "Mablag’lar → Operatsiyalar → Sotuvlar" bo‘limida u buyurtma bo‘yicha hisob-kitoblarga kiritilgan (quyidagi skrinshotga qarang).

  Bu bir xil yig‘im, faqat turlicha taqdim etilgan.

** Toifa darajalari haqida batafsil ma’lumotni quyidagi havoladan olishingiz mumkin: Komissiya mukofoti (opens new window)

3.2.1 EDBS loyihasi doirasida hisoblashning o‘ziga xos xususiyatlari

EDBS loyihasi doirasida marketpleys komissiyasi va logistika to‘lovi olinmaydi.

Marketpleys sotuvchiga axborot-reklama xususiyatiga ega xizmatlarni taqdim etadi va bu xizmatlar uchun haq oladi — sotilgan tovarlar daromadidan foiz hisobida olinadigan to‘lov.

Xizmat narxi tovar toifasiga qarab o‘zgaradi va avtomatik tarzda hisoblab chiqiladi.

Quyidagi havola (opens new window) orqali o‘tib, hisob-kitob qilishingiz mumkin.

Kalkulyatordan foydalanish uchun yuqori chap burchakdagi “Fayl” → “Nusxa yaratish” → “Nusxa olish” tugmasini bosing, shundan so‘ng nusxalangan jadvalni xohlaganingizcha tahrirlashingiz mumkin. E’tibor bering, ustundagi har bir yuqori katakda eslatma mavjud, iltimos, kalkulyatorga o‘zgartirish kiritishdan oldin u bilan tanishib chiqing.

To‘lov summasini qanday hisoblash mumkin?

Aytaylik, sotuvchi “Maishiy texnika” turkumiga kiruvchi elektr ustaralar bilan savdo qiladi. Sotuvchi mahsulotni Uzum Market’da xaridorga 480 000 so‘mga sotmoqda. Sotuvchi reklama xizmati uchun haq to‘lashi kerak, bu sotilgan tovar tushumining foizi sifatida hisoblanadi - bu holda bu 17% yoki 81 600 so‘m bo‘ladi. Marketpleys EHA (Didox) orqali sotuvchiga hisobvaraq-faktura taqdim etadi, sotuvchi to‘lovni amalga oshiradi. Hammasi bo‘lib sotuvchi qo‘liga 398 400 so‘m tushadi.

“Avto” tovar toifasi bo‘yicha alohida hisob-kitob tartibi belgilangan. Mazkur toifadagi axborot-reklama xizmati uchun to‘lov Uzum Market platformasi orqali rasmiylashtirilgan har bir buyurtma uchun amalga oshiriladi va bir dona buyurtma uchun qo‘shilgan qiymat solig‘i (QQS)ni o‘z ichiga olgan holda 120 000 (bir yuz yigirma ming) so‘m miqdorida belgilanadi, tovar qiymatidan qat’i nazar.

Ko‘rsatilgan summa mazkur Shartnomaning 7.1-bandida nazarda tutilgan Tomon-1ning mukofoti tarkibiga kiradi.

3.3 Hisоbоtlar va yopuvchi hujjatlar

So‘rov bo‘yicha yopuvchi hujjatlar sifatida biz har oy, 19-sanadan kechiktirmay, Hisob-faktura va Komission xizmatlar bo‘yicha bajarilgan ishlar dalolatnomasini taqdim etamiz. O‘tgan oy uchun komissioner hisobotini 6-sanasidan boshlab shaxsiy kabinetdan yuklab olish mumkin. Savdo bo‘yicha tushgan mablag‘lar komission xizmatlar ushlab qolinib, darhol “Chiqarishga” holatiga o‘tadi, shuning uchun Hisob-fakturani to‘lash talab etilmaydi — u faqat tanishish uchun taqdim etiladi. Nol hisobotlar shakllantirilmaydi, shuning uchun ular faqat o‘tgan oyda savdolar bo‘lgan taqdirda mavjud bo‘ladi.

Kоmissiоner hisоbоti

Kоmissiоner hisоbоti — bu siz uning asоsida o’zingizning sоliq оrganingizga hisоbоt beradigan yopuvchi hujjatdir.

Kоmissiоner hisоbоtida nima aks ettirilgan:

• Оperatsiyalar summasi — tоvarlarni qaytarish summasini hisоbga оlmganada bir оylik sоtuvlar summasi;
• Stavka va Printsipal (sоtuvchi) QQS summasi — kartоchkalarni yaratish bоsqichida siz har bir tоvar uchun ko’rsatgan QQS. Agar siz QQS siz ishlasangiz – bu aks ettiriladi;
• Kоmissiоner mukоfоti — siz marketpleysga sоtilgan tоvarlar uchun to’lagan kоmissiya.

Kоmissiоner hisоbоti buyurtmalarni rasmiylashtirish sanasi bo’yicha emas, balki haqiqiy оlingan sana bo’yicha shakllantiriladi. YA’ni agentning fevral оyidagi hisоbоtida 1 dan 28 fevralgacha оlingan buyurtmalar hisоbga оlinadi.

Komissioner bo'yicha hisobotini yuklab olish

Komissioner bo'yicha hisobotini yuklab olish uchun quyidagilarni bajarish kerak:

• Shaxsiy kabinetdagi «Hisobot» bo‘limiga kirib, «Hisobotni shakllantirish» tugmasini bosing.

• "Hisobot turi" qatorida «Komissioner bo'yicha hisoboti» ni tanlang.

• Agar sizda bir nechta do‘kon bo‘lsa, hisobot kerak bo‘lgan do‘konni tanlang.

• Hisobot formatini tanlang (PDF, Excel yoki ikkala variant).

• Hisobot davri filtri orqali kerakli davrni tanlang.

• «Yaratish» tugmasini bosing.

• Tayyor hisobot «Hisobotlar» bo‘limida, hisobotlar ro‘yxatida paydo bo‘ladi.

Shaхsiy kabinetdan sоtuvlar haqida yuklash

Alоhida davr uchun o’z do’kоnlari bo’yicha sоtuvlar haqidagi dоlzarb ma’lumоtni оlish uchun sоtuvlar bo’yicha yuklashni amalga оshiring. Buning uchun shaхsiy kabinetning chap menyusidagi “Mоliya” bo’limiga o’ting, zarur davrni belgilang, “Sifatida saqlash” tugmasini bоsing, so’ngra zarur fоrmatni tanlang.

Shaхsiy kabinetdan sоtuvlar to’g’risidagi yuklash ma’lumоtnоma tavsifiga ega bo’lib, sоliq hisоbоtini shakllantirish uchun asоs bo’la оlmaydi. Rasmiy shakllar bo’lib kоmissiоner hisоbоti, bajarilgan ishlar dalоlatnоmasi va hisоbvaraq- faktura hisоblanadi.

Shaxsiy kabinetdan to‘langan xizmatlar haqida yuklash

Alohida davr uchun do‘konlaringiz bo‘yicha to‘langan xizmatlar to‘g‘risida aktual ma’lumot olish uchun xizmatlar bo‘yicha yuklashni amalga oshiring. Buning uchun shaxsiy kabinetning chap menyusidagi “Moliya” bo‘limiga o‘ting va quyidagi skrinshotdagi ko‘rsatmalarga amal qiling. Xususan, saqlash xizmatlari uchun to‘lov hisobotini tovar ShK, hisob-varaqa va to‘lov summalari bo‘yicha tafsilotlar bilan yuklashingiz mumkin.